Man ke vichaar!!

Aj in akhon me neend nai hai, par kabhi to hogi..
shayad ye raat lambi hai, par andhere ko dekhte dekhte suraj se mulakaat to hogi...
Vichaaro ka drid nischay jeet raha hai har pal,
nasamajh ankhein deti hai dhoka,thakaan ke bahaav me beetega ek lamba kal..
Ankhein mundne ki asha hai, barso ho gaye dekhe suraj ki pehli kiran..
par afsoos hai is soch ko daba deta hai har baar ye chanchal sa man...
sama shaant hai,raat ne aisi chadar bikheri hai..
bas main hu aur kahin udti si neend,wo chidiya andhere me bhi kitni sunehri hai..
Man na khush hai, na hi gum ya koi niraasha hai,
na hi hai kisi ki umeed, na hi koi asha hai..
ek patta bhi na hilta hai,kahi door rat sar sar kar apna ehsaas dilati hai,
so ja o pagli, so ja tu kyun der raat tak soch ke sagar me doobi samay bitati hai??
kyun na tu apne man ko rokti hai, apni ankho r shareer ko kyu tu roj satati hai,
main ayi hu tere lie,tu kyun na fir mujhme sama jaati hai, tu kyu na so jati hai???
Ae pyaari raat, jab sansen har pal chalti hain aur samay nirantar badta hai,
lehrein chahke bhi na tham paati hai, aise hi ye man har pad khud se ladta hai..
apni raah banata hai, girta hai sambhalta hai,
khud se,duniya se,kuch prashan anokhe karta hai,
par ye har pal vichaaron ke sagar ko cheer age badta hai..
har pal uttar dhundta,dusre pal naya sawaal karta hai,
shatranj ka ek kachcha khiladi,ye khud hi apne dard ko harta hai..
par bas apni hi karta hai...
bas ek sawaaal tha is man me ...
ki jeevan ka kya antim hai, raah ab kitni baaki hai..
to ye chanchal bola, jeevan ka ras pita ja saki, jaam abhi baaki hai..


:)...i dont know if it was me writing...started at random and created this somehow though i am not that good at hindi much!!